Жаз айлары – балалардың ерекше ықыласпен күтетін уақыты.
Атырау облысы Құрманғазы ауданының 22 мектебінде мектеп жанындағы күндізгі лагерьлер 1-12 маусым аралығында жоспарларына сәйкес өз жұмыстарын жүргізді. Балаларды 12 күн бойы түрлі сайыстарға қатыстырып, өнерге баулып, демалыстарын көңілді өткізу мақсатында көптеген шаралар ұйымдастырылды. Атап айтсақ, Ғ.Мүсірепов атындағы жалпы орта метебі бойынша «Бала – біздің болашағымыз» тақырыбында «Жас толқын» жазғы лагерінде тренинг ұйымдастырылды. Гагарин атындағы жалпы орта мектебінде «Балмұздақ» күні тағайындалып, оқушыларға радио арқылы балмұздақ туралы қызықты мәліметтер таныстырылып, балмұздақ таратылды. «Көңілді смайлик» күнінде смайликтердің шығу тарихын таныстырды. Абай атындағы жалпы орта мектебінде «Кім жүйрік?», «Ойланып көр» интеллектуалдық ойын өткізілді.
https://dsh-kurmangazy.kz/kz/2019-02-15-12-27-42/100-zhaz-y-lager-k-ildi-sha#sigFreeId9dc8282e1c
