«Жас Ұлан балалар мен жасөспірімдер ұйымына 10 жыл» слеті.

          Қазақстан Республикасының Тәуелсіздігіне 30 жыл толуы қарсаңында,  сондай-ақ жас азаматтарды еліміздің нағыз патриоттары,  өзгерістерден қаймықпайтын, еңбекқұмар, білімге құштар, өзін-өзі жетілдіруге   үнемі  ұмтылатын,  өршіл, қайсар етіп  тәрбиелеуді, дәстүрімізді,  ұлттық және жалпы адамзаттық құндылықтарымызды қастерлейтін рухани дүниесі  кең  тұлғаны  қалыптастыруды көздейтін «Жас Ұлан балалар мен жасөспірімдер ұйымының 10- жылдығы аясында 2021 жылдың 24 қыркүйек күні сағат 10.00 – де Құрманғазы аудандық оқушылар үйінің ұйымдастыруымен  «Жас Ұлан» балалар мен жасөспірімдер ұйымына 10 жыл: айқын мақсат, межелі бағыт, көшбасшысы тұлғасын қалыптастыру» тақырыбында мектептердегі ұйым жетекшілері мен көшбасшыларының аудандық слеті өткізілді. Слетке аудан мектептерінен 1 аға тәлімгер мен 7 оқушыдан қатынасты.

     Слеттің ашылу салтанатынан кейін, слеттің 1-ші бөлімінің 1-ші секциясы: «Экоәлем» үстел ойыны, Б.Бегалиев атындағы жалпы орта мектебінің аға тәлімгері Ажмеденова Гүлмаржанның  жүргізуімен  ұландар арасында тікелей эфирде өткізілді.

            2-ші секциясы «Жас Ұлан аламаны» спорттық –интеллектуалдық ойыны Ғабит Мүсірепов атындағы жалпы орта мектебінде мектептің аға тәлімгері Қалиева Гүлдананың ұйымдастыруымен жасұландар арасында өткізілді.

          3-ші секция жұмысы: «Мектеп ұйымы қызметіне жетекшілік етуде басшылыққа алынатын ережелер мен құжаттар және жоспарланған іс-шараларды жүзеге асырудың тиімді тәсілдері»облыстық «Жас Ұлан» ұйымының атқарушы хатшысы Қанатова Марта Төлеуқызының жетекшілігімен зумм веб чаты арқылы өтті.

ІІ бөлім: Шеберлік сағаттары: «Интеллект картасы-миға шабуыл», «Әлеуметтік желіні қолданудың тиімді тәсілдері», «Ұйым ережелерін мектеп ұйымы қызметінде қолдану жолдары» тақырыптарында зумм веб чаты арқылы мектептегі тәлімгерлер мен көшбасшы ұландар арасында тәжірибе алмасу мақсатында өткізілді.

ІІІ бөлім. Әлеуметтік желіні қолданудың тиімді тәсілдері атты бөлімде аға тәлімгерлер мен ұланбасылар өз ойларын ортаға салды.

«Ұйым ережелерін мектеп ұйымы қызметінде қолдану жолдары» тақырыбындағы баяндаманы Ақкөл жалпы орта мектебінің аға тәлімгері Иралиева Динара өз жұмысын қорғап шықты.

Слеттің соңғы бөлімі «Руханият, Отан,Зерде, Салауат, Экоәлем, Жеті жарғы, Еңбек бағыттары бойынша мектепішілік іс-шаралар жобасын құру» бөлімі бойынша барлық аудан мектептінің тәлімгерлері әр бағыт бойынша өз жұмыстарын сәтті қорғады. Слет соңында Марта Төлеуқызы сөз алып, белсенді қатысқан ұландар мен тәлімгерлерді облыстық білім беру басқармасының Алғыс хаттарымен марапаттады.