2022 жылдың 17 наурыз күні Құрманғазы аудандық оқушылар үйінің базасында "Наурыз тойы - мереке, салт дәстүрім - береке" атты үйірме оқушыларының арасында ата-аналармен бірлескен түрде, мерекелік шара өткізілді. Шараның мақсаты: қазақ халқының ежелден сақталып, атадан балаға мұра етіп қалдырған салт-дәстүрін, наурыз мейрамының мәнін түсіндіру, дамыту және көркейту. Оқушыларды ұлтжандылыққа, имандылыққа, инабаттылыққа халқымыздың салт-дәстүрін қастерлеуге, сақтауға тәрбиелеу. Мерекелік шараны мекеменің педагог психологы Камшат Тасқалиқызы ұйымдастырды. Аудандық оқушылар үйінің директоры Мейрамгүл Мұхтарқызы, аудандық білім бөлімінің әдіскері Тілекші Жағыпарқызы және жас туристер бекетінің директоры Алмажи Тағанқожаұлы құттықтау сөз сөйледі. Мерекелік шара 3 кезеңде өткізілді: 1-қойылым, 2-концерттік бағдарлама, 3-ұлттық салт дәстүрден көрініс көрсетілді. Шара аяқталған соң, Құрманғазы аудандық оқушылар үйі, Жас туристер бекеті және балалар-жасөспірімдер дене шынықтыру даярлық клубының ұйымдасқан Наурыз тойының мерекелік дастарханына ұласты.
https://dsh-kurmangazy.kz/kz/2019-02-15-12-27-42/136-2022-zhyldy-17-nauryz-k-ni-rman-azy-audandy-o-ushylar-jini-bazasynda-nauryz-tojy-mereke-salt-d-st-rim-bereke-atty-jirme-o-ushylaryny-arasynda-ata-analarmen-birlesken-t-rde-merekelik-shara-tkizildi#sigFreeIdc4fff0a07d
