2022 жылдың 29 сәуір күні сағ 10:00 де аудандық оқушылар үйінің базасында 4-7 сынып үйірме оқушылары арасында оқушыларды бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу мақсатында «Ынтымағы жарасқан Қазақстан» атты сайыс өткізілді. Сайысқа «Сөз сыры», «Мәнерлеп оқу», «Компьютерлік сауаттылық», «Жас қаламгер», «Шабыт» көркемдеп оқу үйірмелерінің оқушылары қатысты. «Менің Отаным – Қазақстан» топ өкілдері өздерін және ұлттарын таныстыру, «Ата салтым-дәстүрім» таңдаған ұлтының салт-дәстүрінен шағын көрініс көрсету, «Бірлік, ынтымақ – байлық бақ» бірлік, татулық достық туралы мақал-мәтелдердің жалғасын табу, «Өнерлі өрге жүзер» ұлттың өнерлерін орындау бөлімдерінен сынға түсті.
Сайысқа қатысқан оқушылардың өнерлері қазылар алқасының шешімімен бағаланып, І-орынға «Шабыт» көркемдеп оқу үйірмесінің оқушылары, жетекшісі Г.Жасқайырқызы, ІІ-орынға «Мәнерлеп оқу» үйірмесінің оқушылары, жетекшісі А.Садихова, ІІ-орынға «Сөз сыры» үйірмесінің оқушылары, жетекшісі А.Әділханова, ІІІ-орынға «Жас қаламгер» үйірмесінің оқушылары, жетекшісі А.Тәжібаева, ІІІ – орынға «Компьютерлік сауаттылық» үйірмесінің оқушылары, жетекшісі Б.Уәлиева ие болды.
Қатысқан оқушыларға дипломдар мен сыйлықтар табысталды.
https://dsh-kurmangazy.kz/kz/2019-02-15-12-27-42/143-khabarlama#sigFreeId9b2ce986a5
