"Жас Ұлан" бірыңғай балалар мен жасөспірімдер ұйымының құрылғанына 14 жыл толуына орай Республикалық деңгейде телемост форматында ерекше дөңгелек үстел өтті.
Қазақстанның түкпір-түкпірінен жасұландықтар, тәлімгерлер мен атқарушы хатшылар онлайн жүздесіп, ортақ құндылықтар мен тәжірибелермен бөлісті.
Бұл маңызды басқосуда Атырау облысы Құрманғазы ауданы бойынша Абай жалпы орта мектебінің 9-сынып оқушысы, «Жас Ұлан» ББҰ ұланбасы Қайролла Нұрсезім белсенділік танытып, «Жас Ұлан маған не берді?» тақырыбында сөз сөйлеп, ұйым аясында жүзеге асырған жобалары мен жеткен жетістіктерін бөлісті.
Нұрсезімнің сөзі ұйымның жас ұрпаққа берген тәрбиелік, көшбасшылық және қоғамдық белсенділік бағытындағы маңызын айқын көрсетті. Сонымен қатар Республикалық «Жас Ұлан» ББҰ 14 жылдық мерекесіне орай аудан мектептерінің Ұланбасылары атап айтсақ Абай атындағы жалпы орта мектебінің оқушысы Қайролла Нұрсезім, Таңатар Нұрайна, Б.Бегалиев атындағы жалпы орта мектебінің оқушысы Хасантаев Ибрагим, Қадыр Мырза Әли атындағы жалпы орта мектебінің оқушысы Сабитова Жұлдызай, Еңбекші жалпы орта мектебінің оқушысы Қуандық Нұрай марапатталды.
Ұланбасылар әрдайым үлгі болар істеріңіз биіктен көрініп, үлгі тұтар ұрпақтарымыз көбейе берсін.
Барша Жас Ұландықтар, туған күнімен құттықтаймыз!
